ياصوت مشتاق يناديني
يعيش همسي ويحكيلي
يدوبني بنار الشوق
ويسمع مني مواويلي
ببات مشتاقة أنا زيك
وأسهر وحدي طول ليلي
الأربعاء، مارس 14، 2012
أنا آسف
أنا آسف
تفوت لحظه ولحظة تانية تتبعها
وصابر قلبي يستناك
منيش قاعدة على بعضي
كأن الروح هنا وهناك
وأفتح بابي علشانك
واطل الطله م الشباك
عشان ألمح خطاوي الشوق
وأسأل نفسي إمتى لقاك
يفوت الوقت
ولحظة تجر في اللحظه
افك إيشاربي بالطرحه
واعاتبك وانت موش سامع
ومفطوره من اللهفه
هيتأخر ؟؟
دا جاي بكره !!
يجوز بعده ؟!
وأنا في حيرة
نسي وعده؟!
سؤال رايح وغيره جاي
منيش عارفه خلاص رده
يجيلي صداع من التفكير
ووسط التوه بين أمرك وبين حالتي
يدق الباب
معاه يدارى أي عتاب
ولهفة قلبي تفتحلك
بدون حزني وأي عذاب
ووسط سؤال بيتكون بنور عينك
بداري عتابي ليك وأقعد
ماانا عارفاك هتلمح إني زعلانه
تقوم رادد على عتابي
أنا آسف على غيابي
وأنا عارفِك وعارف قلبك الصافي
مسامحني بدون حاجه
أنا آسف
بقلم سارة يوسف
السبت، يناير 07، 2012
في وسط الحوش بقلمي سارة يوسف
في وسط الحوش بقلمي سارة يوسف
في وسط الحوش وقفت هناك
وحاجه غريبة شدتني لأحلى حاجات
في وسط الحوش يدور عمري
تدور أيامي وسنيني تلف ساعات
منيش شايله هموم دنيا
ولاشايلة دموع ذكرى
ولاشايله كآبة عمر مش عمري
دا انا شايلة ربيع بكره
أنا القلب اللي بتهجى حروف أحلام
بتغزلي أمل دايب مع الأيام
وتغزلي نهار صافي
وشمس تدفي أحلامنا
وتبعد عنا أحزانا
شعاعها ع القلوب دافي
في وسط الحوش ونفس اليوم
بشوفها واقفه في مكانها
ببصلها ياريتها لسه فاكراني
تلف عيونها في عيوني
ياأجمل ذكرى في زماني
يقول قلبي يرد النبض فجأه عليه
وحشتيني
يانور قلبي وتوأم روحي وسنيني
ياأجمل حاجه فضلتلي من الأيام
اللي سبناها انا وقلبي على عيني
في وسط الحوش تلف الدنيا حوليا
واشوف نفسي هنا وحدي
واشوف فصلي واطل عليه آخر طلّه
وببعتله رسالة شوق
هتوحشني
سارة يوسف
السبت، ديسمبر 31، 2011
فلترحلي بقلم سارة يوسف
فتلرحلي
لاتسألي عن جرح فتت جرحنا
أو تسألي عمن يمزق روحنا
ولتنظري في يومكِ في شهركِ
في كل حين زاد فيه صراخنا
فلترحلي
لاتسألي أين النقاء بلونكِ
من أين يأتي والقلوب تمزقت؟!
نقشت بلون الدم أحرف إسمها
وسؤالنا بعد التعجب أطلقت
وجواب ممزوج بآهٍ ثم آه
يغزو عيون بالدموع ترقرقت
فلترحلي
أحداثكِ كانت رصاصا يلتقط نور العيون
وفجرت بركان نار يرتسم بين الجفون
ولهيبها مازال يجني ثمرة
خلقت عجائب أطلقت نبض الجنون
فلترحلي
لحظاتكِ قتلت قلوبا بالمحبة أينعت
لبلادها أهدت ربيع شبابها
كان الفراق مصيرها لكنّها
سلكت دروبا كي تعود بأرضها
فلترحلي
ماعدنا نرجو بالظلام بقاءكِ
يكفينا منكِ مالقيناه كفى
وليأتي عام بالربيع يضمنا
فيه العدالة والمحبة والوفا
بقلم سارة يوسف
31-12-2011
الأحد، ديسمبر 18، 2011
محتاج تخطي خطوتين بقلم سارة يوسف
محتاج تخطي خطوتين بقلم سارة يوسف
علشان تشوف في سكتك
حلمك مقرب من بعيد
محتاج تخطي خطوتين
محتاج أمل بيحركك
ساكن في قلبك من سنين
عقلك دا قادر ع الصعاب
فإوعاك تخاف م المستحيل
مليون طريق هتكمله
فإوعى الكسل ليكون بديل
إوعاك تكّتِف حلم مرسوم بالأمل
بحبال تيّئِس نية جواها العمل
إقفل بيبان اليأس وإمشي
سكه خاليه من الملل
وإفتح لقلبك باب وعنوانه الإراده
تقدر تساعدك ع الوصول
فتكون ملكت الحلم ومعاه السعاده
السبت، ديسمبر 17، 2011
بدون مواعيد بقلم سارة يوسف
بدون مواعيد
بنتخاصم ونتصالح
ونتقابل بدون مواعيد
بنعشق لمه جامعانا
وضحكة من قلوبنا تعيد
سنين فاتت بنعشقها
بنتمناها تاني تعود
ونفرش تاني أحلامنا
في بستان الأمل بورود
ونرميها بحنين خادنا
يصور نبض أحلامنا
يخلينا كما الطايرين
نجمّع فرح أيامنا
ونرجع تاني لمكانا
تقسّم روحنا ع الذكرى
ونضحك من قلوبنا نقول
ياريت الحلم جاي بكرة
يقابلنا بدون مواااعيد
يقابلنا بدون مواااعيد
بقلم سارة يوسف
17-12-2011
الثلاثاء، نوفمبر 29، 2011
هكذا أنا في غيابك بقلم سارة يوسف
هكذا أنا في غيابك
بقلم سارة يوسف
هكذا أنا في غيابك
حزينة
مجنونة
متمردة
لايعجبني شئ
أرفض كل شئ
وأنعزل وحدي
في صومعتي
أفكر فيك
هكذا أنا في غيابك
لست أنا
تتلاشى ملامحي
لاأعرفني
تتوه مني حروف إسمي
ويتلاشى إحساسي بكل شئ
إلا بك
هكذا أنا في غيابك
زهرة بلاساقي... الذبول مصيرها
طائر في صحاري الوحدة لاأمل في نجاته
فراشة يملأها الحنين لعطر قد أمنته
وفي غيابك
تنحصر الأمنيات على أمنية واحدة
ويقف قلبي على أبواب الصبر ينتظر عودة الروح إليّ
29-11-2011
الاشتراك في:
الرسائل (Atom)