في وسط الحوش بقلمي سارة يوسف
في وسط الحوش وقفت هناك
وحاجه غريبة شدتني لأحلى حاجات
في وسط الحوش يدور عمري
تدور أيامي وسنيني تلف ساعات
منيش شايله هموم دنيا
ولاشايلة دموع ذكرى
ولاشايله كآبة عمر مش عمري
دا انا شايلة ربيع بكره
أنا القلب اللي بتهجى حروف أحلام
بتغزلي أمل دايب مع الأيام
وتغزلي نهار صافي
وشمس تدفي أحلامنا
وتبعد عنا أحزانا
شعاعها ع القلوب دافي
في وسط الحوش ونفس اليوم
بشوفها واقفه في مكانها
ببصلها ياريتها لسه فاكراني
تلف عيونها في عيوني
ياأجمل ذكرى في زماني
يقول قلبي يرد النبض فجأه عليه
وحشتيني
يانور قلبي وتوأم روحي وسنيني
ياأجمل حاجه فضلتلي من الأيام
اللي سبناها انا وقلبي على عيني
في وسط الحوش تلف الدنيا حوليا
واشوف نفسي هنا وحدي
واشوف فصلي واطل عليه آخر طلّه
وببعتله رسالة شوق
هتوحشني
سارة يوسف
ليست هناك تعليقات:
إرسال تعليق