حنين بقلم سارة يوسف

حنين

عند إلتقاء الحنين بنضات القلوب

تثور نار الفراق ويأخذنا الإشتياق

لنرى صورة لحبيب غايب حاضر

ينادينا ولانستطيع الإقتراب

نناديه وبأعلى صوت

فتتلاشى الصورة وينقطع التواصل

ومايبقى لنا سوى الحنين

وصوت أصابه التعب من كثرة النداء

عندما

عندما تختلط الدموع بنار الإشتياق لاتدري ماذا تفعل

سوى أن تترك دموعك تعبر عن مكنونات قلبك

بقلم سارة يوسف

رحلتي صحيح بقلم سارة يوسف

رحلتي صحيح ولاكن عايشه جوانا

حكاياتِك وبسمة قلبك الصافي

وهمسة نبض إحساسك

وحضن حنينيك الدافي

سطر طويل بقلم سارة يوسف

سطر طويل .....كطول البعد

 حرف في أوله ....
والثاني في منتصفه 
والثالث في نهايته

كيف يجتمعان وأنت عني بعيد

بحر الأسئلة بقلم سارة يوسف

 بحر الأسئلة بقلم سارة يوسف

صمت .... بعده صمت ..... بعده دموع
وتساؤلات تزداد مع كل دمعة تسقط من العين
فتغرق روحي في بحر من الأسئلة التي لاجواب لها
وفنجان بعيد .... لا أستطيع أن أصل إليه

أحن إليك بقلم سارة يوسف

 

 

أحن إليك ...إلى لقياك

ونبض القلب يسألني

إلى أين تركتني وحدي

إلى أين حبيبي رحلت

يُذكرني بأيامٍ قضيناها

مع الأفراح

قضيناها مع أحلامنا الحلوه

نذوب عشقا بقلم سارة يوسف

عند التقاء الشواطئ

بحنين قلبي واشتياقك

نذوب عشقا وتتلاشى كل الأماكن

كل الأزمنة .... وكل حكايات العشاق

وتبقى قصة حبنا هى الأولى والأخيرة

ذكِرني بقلم سارة يوسف

ذكرني 

ذكِرني بأشياء مانسيتها

ولكني أريد أن انظر لعينيك وأنت تقولها

اريد ان ارى ملامح وجهك وانت تذكرني بها

فأرجوك ذكِرني بما لا يتهوه عن الذاكرة

فأنت أعلم بها

صورة بقلم سارة يوسف

صورة 

بقلم سارة يوسف

 لماشوفتك يوم هناك

وانت قاعد بتواسيها

حاجه شدتني اليك

وانت ايدك في ايديها

والعيون مليانه شوق

واصله نورها لنور عينيها

حاجه من جوايا قالت

نفسي اتعرف  عليها

نفسي اتعرف عليك

وارسم صوره ليك وليها

حال العشاق بقلم سارة يوسف

حال العشاق بقلم سارة يوسف

ويذوب الشوق خجلا من شوقنا

ويتسائل الحنين محتارا عن همسنا

ونقول له هكذا نحن

عند إلتقاء الشواطي

إبتسم بقلم سارة يوسف

إبتسم بقلم سارة يوسف

إبتسم وإن كان يبكيك البعد

إبتسم وإن كنت من شاردا

إبتسم وإن زاد اشتياق

ولاتستطيع الإقتراب

إبتسم ياقلبي ولاتبكي

متى بقلم سارة يوسف

 متى؟

هربت حروفي إليك مشتاقة

تسألك البقاء

تسألك متى اللقاء

متى ستبحر عيني في عينيك

دون حواجز متى تشاء

لاتهربي بقلم سارة يوسف

لاتهربي بقلم سارة يوسف

لاتهربي وتعالي نرسم حلمنا

بين الجنان وكل وادٍ هاهناك

لاتجزعي وتأملي وسط السماء حنيننا

وحروفنا وبريق  من عيون العشاق

مجرد ذكريات بقلم سارة يوسف

مجرد ذكريات بقلم سارة يوسف

إمشي وابعد بالسنين

طفي جواك الحنين

مهما تبعد ولاتنسى

قلبي من بعدك حزين

ليه هنهرب من سنينا

ليه هنحرق اللي بينا

والقلوب مليان شوق

قاعدة بتردد حنينا

قاعده تبكي ع اللي فات

واللي جاي بالسكات

واللي كنا هنحلمه

كان مجرد ذكريات

كان مجرد ذكريات

الحروف الهامسة بقلم سارة يوسف

عندما تبحث القلوب العاشقة 

عن حروف لتعبر بها عن مدى حبها وعشقها

 تتحول الحروف من حروف شاردة تائهة 

وسط الحياة 

إلى حروف هامسة تعرف مكانها جيدا بين قلوب العشاق

اغْضِبني بقلم سارة يوسف

اغْضِبني بقلم سارة يوسف

اغْضِبني وزد في غضبي وصالحني بنظرة من عينيك

بكلمة من شفتيك بهمسة حالمة تروي قلبي

وتعيد لي الإبتسامة من جديد وتجعل الغضب وكأنه لم يكن

تنهيدة بقلم سارة يوسف

تنهيدة.....بقلم سارة يوسف

ياتنهيدة

ياساحبه معاكي أيامي
خديني هناك خديني لشطك التاني
وقوليلي حكاوي كنت حسيتها

بهمس الروح وحبيتها
وكل ماتحكي في حكاية
...اقولك عيدي من تاني

ياتنهيده ماتعلي لفوق

وصحي بسمة كات نايمة

وفكرة بين بحور الشوق

من امبارح كانت عايمة

كانت ناوية تكون حاضر

يفرحني مايجرحني

ولاكن خدها مني الموج

بكل قساوته جرّحني

ياتنهيدة

ياخارجه من حشى روحي

متجرحنيش ولا تعاتبيش صدى بوحي

وحسي بقولي ياتنهيدة حِسيني

وحني كمان حني كمان على جروحي

أنا آسفه اني بشكيلك ومين غيرك هيسمعني

ولو حتى شكيت ليكي... وايه يعني؟؟!!

متسألنيش دموع عيني سببهم ايه

مانا خايفه اشوف حلمي يجيني في يوم ...يودعني

دا زي الطيف مابين أركاني من جوه

أنا رسماه ومتلون ومتمكن وواخد مركزه بقوه

ولاكن حاسه ان الحلم جوايا دا اسمه سراب

عشان منقوش مابين سطرين في حضن كتاب

عشان كاتباه في كل حروفي مبملش

ولكن هي من غيره كما الأغراب

ياتنهيدة لعمري الجي

معاكي شوفت نور الضي

وكل أحلامي كات واضحه

ومالها مثيل ومالها زي

خلاص همسك دخل قلبي

وجددتي الأمل تاني

وهتنامي ياتنهيدة

ولاكن بس علشاني

ويوم ماأحب أشكيلك

راح أتنهد وهتنهد

عشان تصحي لي من تاني

عشان تصحي لي من تاني

ياتنهيده

الأحد

5-6-2011

شئ غريب بقلم سارة يوسف

شئ غريب 

بقلم سارة يوسف

شئ غريب أنا حاسه بيه فسرِيه

زي مايكون النهارده روحي مني بتتسرق

زي مايكون نبض قلبي راسْمَّه باهته ع الورق

والحروف جوايا نار بين ضلوعي بتتحرق

شئ غريب

شئ غريب وانا عارفه انه شئ حزين

زي بسمه ناويه تخطفها السنين

زي حلم بيتغزل من دمعتين

موش نصيبي وبلتقاه يسأل عيوني

انتي مين ؟؟

شئ غريب بيلف أفكاري ويخلطها بمرار

حالف ليبكيني وحالف يوصلني لحالة إنهيار

مش في باله إني بشر وانه خطر

وبإن قلبي في اي لحظه كتله ناويه الإنكسار

فسري لي شئ غريب جوه قلبي هينكسر

فسري لي انا ابقا مين بين البشر

واللي فات واللي لسه عايشه فيه

والكلام اللي قالوه عن القدر

قاعده تبكي والسؤال بيهز فيكي

طب وانا مين هيجاوبني غير عينيكي

غير ملامحك غير كلام بيصدقه عقلي وقلبي

كنت فاكرة هتقوليه لمااشكي ليكي

شئ غريب

السبت
25-6-2011

مصر بتنادي بقلم سارة يوسف

مصر بتنادي بقلم سارة يوسف

كتبوا عليكي الشعر

وغنواموالك

إحساس جديد منهم

مجاش على بالك

وأنا حالفه لاكتب لك

ياام العيون سودا

غار الهوى منهم

أصل إنتي موعوده

كل القلوب حبِت

وعاشقه لترابك

شايفه أهي جايه

واقفه على أعتابك

روح الأمل صحيت

وحالفه ماتسيبنا

قمنا ولاد شجعان

وبدأنا ثورتنا

مااتهزناش للريح

ولا خوفنا من موتَه

وكسبنا ثورتنا

وكتبتنا حدوته

ونقشنا بدماهم

لجل التاريخ يشهد

إن اللي مات صاحي

في الجنه راح يسعد

ربك كتير يمهل

ولاعمره يوم يهمل

والحق راح يظهر

مهما الخسيس يعمل

م اليوم دا حلم جديد

نبضه اتولد فينا

بالحق هانواصل

مين اللي يعمينا

مين اللي راح يبني

غيرنا أساس الحق

ماتقولي قاعد ليه

ماانت اللي قولت اللأ

عيش بالأمل واكسر

كل سهام الظلم

إزرع هنا وهناك

وانشر كلام العلم

إيدكم في إيدي أوام

الهمه يااخوانا

دي مصر عايزانا

أحسن تيجي منا

أحسن تيجي منا

رحلة قلم حالم بقلم سارة يوسف

رحلة قلم حالم بقلم سارة يوسف

بثلاثةِ أحرفٍ تشكلت كلماتي

ولمحتُ تكوين جديدٍ

يُغّيرُ مسارَ حياتي

ماكان هذا مساري

ولا من هواياتي

أجبَّرتني الحروف

أن أمسكَ قلماً

وأكتب كل همساتي

وشاركها إحساسي

وقلبُ يعزفُ على وتر

أبياتي

وراقصني خيالي

على مقطوعة من صنعِهِ

فبت أدور بين ذكرياتي

ألتقط حروف الفرح تارةً

وألملم حروف الآهاتِ

وأمزق ماتبقى منها

كي لاتصير نقطة سوداء

ولاذكرى كئيبة لسنواتِ

وتسرع حروف الحنين

تعرف مسكنها

تحتضن صدق العبراتِ

وتعلو بسمتي

ولا أملك حينها

سوى السكاتِ

وجاءت حروفي واثقةً

تُعَلِّقُ على باب قلبي

لَافِتَةٌ

هُنَا الْهَمسِ يَسْكُنُ
هُنَا الأَمَل يَسكُنُ
هُنَا القَلَمُ يَسْكُنُ

ونبض

 يُجَدِّدُ

بالحروفِ كلماتي

بقلمي ساره يوسف

الأربعاء

6-4-2011