ياصوت مشتاق يناديني

ياصوت مشتاق يناديني

يعيش همسي ويحكيلي

يدوبني بنار الشوق

ويسمع مني مواويلي

ببات مشتاقة أنا زيك

وأسهر وحدي طول ليلي

أنا آسف

أنا آسف

تفوت لحظه ولحظة تانية تتبعها

وصابر قلبي يستناك

منيش قاعدة على بعضي

كأن الروح هنا وهناك

وأفتح بابي علشانك

واطل الطله م الشباك

عشان ألمح خطاوي الشوق

وأسأل نفسي إمتى لقاك

يفوت الوقت

ولحظة تجر في اللحظه

افك إيشاربي بالطرحه

واعاتبك وانت موش سامع

ومفطوره من اللهفه

هيتأخر ؟؟

دا جاي بكره !!

يجوز بعده ؟!

وأنا في حيرة

نسي وعده؟!

سؤال رايح وغيره جاي

منيش عارفه خلاص رده

يجيلي صداع من التفكير

ووسط التوه بين أمرك وبين حالتي

يدق الباب

معاه يدارى أي عتاب

 ولهفة قلبي تفتحلك

بدون حزني وأي عذاب

ووسط سؤال بيتكون بنور عينك

بداري عتابي ليك وأقعد

ماانا عارفاك هتلمح إني زعلانه

تقوم رادد على عتابي

أنا آسف على غيابي

وأنا عارفِك وعارف قلبك الصافي

مسامحني بدون حاجه

أنا آسف

بقلم سارة يوسف

في وسط الحوش بقلمي سارة يوسف

في وسط الحوش بقلمي سارة يوسف

في وسط الحوش وقفت هناك

وحاجه غريبة شدتني لأحلى حاجات

في وسط الحوش يدور عمري

تدور أيامي وسنيني تلف ساعات

منيش شايله هموم دنيا

ولاشايلة دموع ذكرى

ولاشايله كآبة عمر مش عمري

دا انا شايلة ربيع بكره

أنا القلب اللي بتهجى حروف أحلام

بتغزلي أمل دايب مع الأيام

وتغزلي نهار صافي

وشمس تدفي أحلامنا

وتبعد عنا أحزانا

شعاعها ع القلوب دافي

في وسط الحوش ونفس اليوم

بشوفها واقفه في مكانها

ببصلها ياريتها لسه فاكراني

تلف عيونها في عيوني

ياأجمل ذكرى في زماني

يقول قلبي يرد النبض فجأه عليه

وحشتيني

يانور قلبي وتوأم روحي وسنيني

ياأجمل حاجه فضلتلي من الأيام

اللي سبناها انا وقلبي على عيني

في وسط الحوش تلف الدنيا حوليا

واشوف نفسي هنا وحدي

واشوف فصلي واطل عليه آخر طلّه

وببعتله رسالة شوق

هتوحشني 

سارة يوسف