وسألوني
لقتيهم مره قابلوني
وفي عينهم سؤال حيران
مين إنتي ياللي قصيدتها
بتتغنى في كل مكان
مين إنتي قوليلنا وإحكيلنا
وليه قلبه بقا حيران
كتمت الضحكه جوايا
وادينى عملت مش سامعة
كأني بقول كده في نفسي
يابت التقل دا صنعه
بعدت بعيد لقتهم
قاموا نادهوني
قاموا نادهوني
وقفت عشان أَعرّفهم
وفرحه غريبه وخداني
ودقة قلبى كات باينة
وكأنه رجعلي من تاني
وقولتلهم
أنا نبض الحياه في عينيه
أنا بسمه مابين شفتيه
أنا إسمه أنا رسمه
وحدوته اللي هحكيها
وأدوب فيها
وأدوب فيها
وهسرد كل معانيها
أنا حاضره وأنا ماضيه
وبلسم كل مايعاني
يقوم يجري عشان يداويه
بحبه وحبه خلاني
أعيش الدنيا متهني
أعيش الدنيا متهني
ولو يفضل بعيد لسنين
هيفضل قلبي مستني
بحبه ونفسى اقولهاله
بميت معنى وميت مغنى
وأقول للغربه قومي امشي
حبيبى دا عمره مايبعنى
وأقوله كمان بأعلى صوت
أنا عاشقاك
ياأجمل قصه حبيتها
واجمل همسه حسيتها
أنا بهواك انا بهواك
لقيت لسة ف عيونهم
لهيب رغم السكات حامى
وحماني وحمى الغيره جوايا
ونظرتهم مجيتش ساعتها لهوايا
وقولتلهم كفايه كلام أنا ماشيه
كلامي هسيبه جوايا
وهظهر بالسكات عِندى
أنا قولت اللي كان عندي
أنا قولت اللي كان عندي
sara
الجمعه
17-9-2010
ليست هناك تعليقات:
إرسال تعليق