تنهيدة.....بقلم سارة يوسف
ياتنهيدة
ياساحبه معاكي أيامي
خديني هناك خديني لشطك التاني
وقوليلي حكاوي كنت حسيتها
خديني هناك خديني لشطك التاني
وقوليلي حكاوي كنت حسيتها
بهمس الروح وحبيتها
وكل ماتحكي في حكاية
...اقولك عيدي من تاني
وكل ماتحكي في حكاية
...اقولك عيدي من تاني
ياتنهيده ماتعلي لفوق
وصحي بسمة كات نايمة
وفكرة بين بحور الشوق
من امبارح كانت عايمة
كانت ناوية تكون حاضر
يفرحني مايجرحني
ولاكن خدها مني الموج
بكل قساوته جرّحني
ياتنهيدة
ياخارجه من حشى روحي
متجرحنيش ولا تعاتبيش صدى بوحي
وحسي بقولي ياتنهيدة حِسيني
وحني كمان حني كمان على جروحي
أنا آسفه اني بشكيلك ومين غيرك هيسمعني
ولو حتى شكيت ليكي... وايه يعني؟؟!!
متسألنيش دموع عيني سببهم ايه
مانا خايفه اشوف حلمي يجيني في يوم ...يودعني
دا زي الطيف مابين أركاني من جوه
أنا رسماه ومتلون ومتمكن وواخد مركزه بقوه
ولاكن حاسه ان الحلم جوايا دا اسمه سراب
عشان منقوش مابين سطرين في حضن كتاب
عشان كاتباه في كل حروفي مبملش
ولكن هي من غيره كما الأغراب
ياتنهيدة لعمري الجي
معاكي شوفت نور الضي
وكل أحلامي كات واضحه
ومالها مثيل ومالها زي
خلاص همسك دخل قلبي
وجددتي الأمل تاني
وهتنامي ياتنهيدة
ولاكن بس علشاني
ويوم ماأحب أشكيلك
راح أتنهد وهتنهد
عشان تصحي لي من تاني
عشان تصحي لي من تاني
ياتنهيده
الأحد
5-6-2011
حروف بسيطة لكنها صاحبة معاني تتسم بالعمق وهذا هو جمال القلم ان يصل للقارئ بسهولة ولكن يعرف كيف يؤثر فيه , لهكذا تنهيدة كل الود والأحترام
ردحذفكنت هنا
خ ــالد
أشكرك أخي خالد على التواجد الجميل والتعليق الراقي
ردحذف