الحزن مش توبك
من كتر أحزانها
بقول كده كفايه
انتي عشقت الدمع
وخلاص بلا نهايه؟؟
سمعتها بتقول
ابكي ياعين ابكي
الفرح ليه اصلا
مهوش مابين قلبي
الدمع يعني رفيق
والبسمه موش حقي؟؟
نادتلها علشان
تقعد هنا قربي
ودار مابينا كلام
حِزن عليه قلبي
ولقتني ليها بقول
بصي بعين صافيه
للدنيا من حولك
اتمعني في الكون
وحسي من قلبك
دا العمر لسه ربيع
انسي بقا تعبك
قومي اخلعي الأسود
دا الحزن مش توبك
وحطيها في عقلك
الفرح مكتوبك
السبت
19-3-2011
ليست هناك تعليقات:
إرسال تعليق