آن الأوان

آن الأوان اني اخوض التجربه

يمكن عشان م اللحظه دي متأكده

ان الطريق موش مستحيل

واني انا هقدر اخطي لألف ميل

هرسم في حلمي اني
اعيش وسط الفضا

هكسر حدود الخوف
واطير لابعد مدا

جايز في مره أرّجع الحلم

اللي تاه وأفرح بقا

وأصّحي جواه الأمل

من بعد مااليأس ملاه

من بعد ما اتراكم عليه

غبار محاه من الحياه

وبحور دموع وآلف آه

يمكن أزيل من قلب قلبي

جروح سنين

وكآبة الوش الحزين

وأرّجع الروح اللي كات هتغرق

وسط بحر من الأنين

هحفر في عمق الليل

لحين ما أحول عتمته

لشعاع قوي يقدر

ينور عتمة القلب

اللي تاهت سكته

اللي انطفى قبل الأوان

وكمان عشان

خطوه مكنتش قدها

كلمه مكنتش قدها

ماهي كل حاجه

قالو جايه في وقتها

طب ليه اخاف

والقلب متأكد وعارف

ان الشجاعه
في القدوم على العمل

مش اني اقعد انتظر

لمحة شعاع من الأمل

أو أني اقبل م النهارده

بإن قلبي يعيش حياته بالملل

بقلم ساره يوسف