اوعي يامه تسبيني
ضميني يامه في حضنك
وما تبكيش علي بكايا
بدونك قلبي حزين
ماإنتي جنه دنيايا
حاسه إني وحيده يامه
وإنتي مش معايا
ضميني يامه ضمه كبيره
ومتسبنيش حيرانه
دي ضمه الحبايب إتحكي
عنها في كل روايه
مش عارفه أنا مين ولا هوصل لحد فين
ولا عارفه أبدأ طريقي تاني منين
انصفيني وف حضنك خديني
فاكره يامه يوم ميلادي
صدقيني
مكنش يوم عادي
كنت يومها حاسه بيكي
وانتي شيلاني باديكي
ودموع فرحك بيه
كنت شايفاها ف عينيكي
رجعيني يامه لايام زمان
يوم ما كنت طفله بحبي
وباسمك نطق قلبي
إنتي امي
أيوه امي
داانا في حضنك كنت بحكي
كنتي وحدك بتداويني
ومن كل جروحي بتشفيني
وكبرت لحظه بلحظه
وكنتي فرحه سنيني
فينك يامه
مديت إيدي مالقتكيش
ودورت علي حضنك
وانتي ماحستنيش
حتي صورتك في قلبي
مادفتنيش
معقوله
تدي إخواتي حنانك
ومتدنيش
ولامتي
ولامتي يامه
مش هيسكت دمعي
وتكوني بعيده عن عيني
فينك
ياللي ف كل حاجه شاركتيني
صدقيني يامه
حاولت أكون انسان
و عامل لنفسي كيان
ورسمت خطاوي لحياتي
وحاولت أحقق غاياتي
بس دايما وخداني أهاتي
ومش حاسه بأي شئ
حتي النجاح بقا شئ عادي
قولي يامه إني غلطانه
اضربيني
فهميني
طب قولى بس ولو كلمة
خدينى فى حضنك وقوليلي
بس اوعى يامه تسبيني
اوعى يامه تسبيني
ليست هناك تعليقات:
إرسال تعليق