يا قلبي خد قرار
يا قلبي ليه دايما بتحن ليه
وبتفكر في كلامه وغناويه
وكمان كل يوم تقعد لوحدك تبكي
كل ما تحس ان عينك وحيده من غيره عينيه
ياقلبي ليه انا بشتاق ليه
وكل ماابعد قلبه الطيب يقربني تاني ليه
حتي في احلامي مش مفارقني
دا صوتي ما بيندهش الا بيه
واجي أكتب ألاقيني أكتب ليه
ليه يا قلبي ليه
ماإحنا باعديين بقالنا سنين
وكنا ناسيين أو متناسيين
وليه النهارده يخدعنا تاني الحنين
جايز دا نصيب إننا نقابل من تاني بعض
وإننا نتشوق زي أول يوم كنا لسه متقابلين
صدقني يا قلبي مش لاقيه رد
بس كلمه بحِبك بحاول أبعدها عني
ورغم إني حاسه بيها
بس ببين إني مش محتاجه ليها
يا قلبي خد قرار
أرجوك ماتبنيش لوحدي
أنا كده بجد هنهار
أنا مش حمل بعاد تاني يا قلبي
لو بتحبه رجعله من غير رد
أو حتي امسك ايده وحسسه انك مش ناسيه
وقوله إنك عايش طول العمر ده مستانيه
أه يا قلبي إنت عشت طول العمر مستانيه
ليست هناك تعليقات:
إرسال تعليق